Convocada a provisión, polo sistema de libre designación, de dous postos de traballo vacantes no Fondo Galego de Garantía Agraria, mediante a Orde do 20 de xaneiro de 2014 (DOG núm. 27, do 10 de febreiro), o primeiro xa resolto e publicado no DOG núm. 57, do 24 de marzo de 2014, e o segundo posto, de conformidade co establecido na base sexta da referida orde,

RESOLVO:

Primeiro. Declarar deserto o posto de xefatura do Servizo Territorial do Fondo Galego de Garantía Agraria en Pontevedra, con código de posto MR.O19.10.000.36001.001.

Segundo. Contra esta orde, que esgota a vía administrativa, os/as interesados/as poderán interpoñer recurso potestativo de reposición, ante esta consellería, no prazo dun mes contado desde o día seguinte ao da súa publicación no DOG, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente, perante o xulgado do contencioso-administrativo competente, no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 25 de marzo de 2014

P.D. (Orde do 30.3.2012; DOG do 12 de abril)
Alfonso García Magariños
Secretario xeral técnico da Consellería do Medio Rural e do Mar