A Escola Galega de Administración Pública convocou por Resolución do 28 de novembro de 2013 (DOG núm. 232, do 4 de decembro) un proceso selectivo para a contratación temporal dun investigador baixo a modalidade de obra ou servizo determinado para a realización de proxectos de investigación.
O órgano encargado de realizar a selección dos aspirantes, na súa reunión do día 13 de marzo de 2014, propuxo a relación de aspirantes que obtiveron polo menos a cualificación mínima exixida para superar o proceso selectivo, por orde de puntuación.
De conformidade co disposto na base 8.1 da referida convocatoria e á vista da proposta do órgano de selección,
RESOLVO:
Aprobar e facer pública, de acordo co disposto na base 8.1 da convocatoria, como anexo a esta resolución, a relación de aspirantes que obtiveron, polo menos, a cualificación mínima exixida para superar o proceso selectivo por orde de puntuación obtida e con indicación do seu documento nacional de identidade.
De acordo coa dita base, o primeiro aspirante da dita relación disporá dun prazo de cinco días hábiles, a partir da publicación no Diario Oficial de Galicia desta resolución, para presentar a documentación prevista nas letras a), b), c), d), e) e f).
Contra esta resolución, que pon fin á vía administrativa, poderase interpor recurso potestativo de reposición ante a Dirección da EGAP, no prazo dun mes contado a partir do día seguinte ao da publicación desta resolución no Diario Oficial de Galicia, segundo o artigo 116 e seguintes da Lei 30/1992, de réxime xurídico das administracións públicas e do procedemento administrativo común, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co establecido nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa publicación, e sen prexuízo de que os interesados poidan exercer calquera outro que consideren oportuno.
Santiago de Compostela, 17 de marzo de 2014
Sonia Rodríguez-Campos González
Directora da Escola Galega de Administración Pública
ANEXO
Relación de aspirantes que superaron o proceso selectivo para a contratación temporal, pola modalidade de obra ou servizo determinado, dun investigador
para a realización de proxectos de investigación
Adxudicataria da praza:
Apelidos e nome |
NIF |
Méritos |
Entrevista |
Total |
Voces López, Carmen |
76624022M |
73,52 |
15 |
88,52 |
Listaxe para os efectos de substitucións:
Apelidos e nome |
NIF |
Méritos |
Entrevista |
Total |
González Iglesias, Beatriz |
36166006R |
55,45 |
20 |
75,45 |
Vila Lago, Carlos |
36064006Y |
60,09 |
13 |
73,09 |
Piñeiro Neiro, Bárbaro |
44834409A |
57,26 |
13 |
70,26 |