Para os efectos previstos na Lei 16/2002, do 1 de xullo, de prevención e control integrados da contaminación (BOE nº 157, de 2 de xullo), faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedará exposta a seguinte documentación:
«Proxecto básico e estudo de impacto ambiental referido á solicitude da autorización ambiental integrada das instalacións de INTASA situadas en San Sadurniño, provincia da Coruña. Setembro de 2013. Ref.: 04_2013».
«Resumo non técnico referido á solicitude da autorización ambiental integrada das instalacións de INTASA situadas en San Sadurniño, provincia da Coruña. Setembro de 2013. Ref.: 04_2013».
Co fin de que calquera interesado poida consultala e, se é o caso, formular no dito prazo as alegacións, suxestións ou observacións que considere convenientes. Os citados documentos estarán á disposición dos administrados, en horario de atención ao público, nas seguintes dependencias:
– Secretaría Xeral de Calidade e Avaliación Ambiental-Servizo de Prevención e Control Integrados da Contaminación (r/ San Lázaro, s/n, 15781 Santiago de Compostela).
– Xefatura Territorial da Coruña da Consellería de Medio Ambiente, Territorio e Infraestruturas (r/ Vicente Ferrer, 2, 15008 A Coruña).
– Concello de San Sadurniño (avenida Marqués de Figueroa, nº 13, 15560 San Sadurniño).
Ademais, poderán consultalos na páxina web da Consellería de Medio Ambiente, Territorio e Infraestruturas (http://www.cmati.xunta.es/ >>medio ambiente e sostibilidade >> prevención e control de actividades>>autorización ambiental integrada >>proxectos en información pública).
Santiago de Compostela, 25 de outubro de 2013
Justo de Benito Basanta
Secretario xeral de Calidade e Avaliación Ambiental
ANEXO
Memoria resumo
Clave do expediente: 2013-IPPC-I-39.
Peticionario: Industrias del Tablero, S.A.
Domicilio social: A Bidueira, 15560 San Sadurniño (A Coruña).
Localización da instalación: A Bidueira, 15560 San Sadurniño (A Coruña).
Actividade: produción de taboleiros de fibra de densidade media (MDF).
Descrición: para o desenvolvemento da súa actividade a planta conta coas seguintes instalacións:
– Liña de tratamento da madeira:
a) Liña de fabricación de taboleiro de fibra de media densidade (MDF): parque de madeira; instalación de descortizado, estelas e clasificado; desfibrado; secado; encolado; preprensado e prensado; cortado; arrefriado; curado, lixado e escuadrado.
b) Liña de taboleiro melaminizado.
c) Liña de taboleiro de solos.
– Instalacións auxiliares:
a) Coxeración: motores diésel; caldeiras asociadas aos motores diésel; caldeiras de aceite térmico; caldeira de biomasa e caldeira Vulcano (equipo de respecto da caldeira de biomasa).
b) Depuradora de augas residuais industriais: tratamento físico-químico seguido de biolóxico mediante fangos activos con eliminación de nitróxeno.
c) Sistema de tratamento de augas pluviais: dúas liñas (unha canle a ceo aberto con sistema de filtración de desbaste e balsa con axitación e aireación; e unha condución subterránea con sistema de filtración de desbaste e balsa con axitación e aireación) que envían os seus rebordamentos a unha balsa (con separador intermedio e sistema rascador para retirada de flotantes) e desta a outra balsa (tamén con separador intermedio) desde a que se realiza a vertedura final.
d) Sistema de tratamento de augas fecais: fosas sépticas (×4).
Verteduras: a instalación verte as augas residuais industriais e fecais depuradas conxuntamente e as augas residuais pluviais depuradas ao río Grande de Xubia.