A Xunta de Goberno da cidade de Santiago de Compostela, na sesión ordinaria que tivo lugar o día 6 de marzo de 2014 adoptou o seguinte acordo:

a) Aprobar inicialmente a modificación puntual do Plan especial de protección e rehabilitación da cidade histórica (PE.1) no ámbito da reserva de equipamento RU-10 (Virxe da Cerca, nº 6), segundo o proxecto presentado o 5 de febreiro de 2014 pola Fundación Centro Galego de Solidariedade-Proxecto Home.

b) A modificación inicialmente aprobada someterase a información pública durante o prazo dun mes, mediante anuncios que para o efecto se publicarán no Diario Oficial de Galicia e en dous xornais dos de maior difusión na provincia. Simultaneamente practicarase notificación persoal aos propietarios da parcela afectada segundo figuran no Catastro.

Durante o trámite de información pública solicitarase o informe do director xeral de Patrimonio Cultural.

Durante o prazo dun mes, contado desde o día seguinte ao da publicación deste anuncio no Diario Oficial de Galicia, os interesados poderán consultar o expediente no Servizo de Planeamento e Xestión e formular por escrito as alegacións que xulguen oportunas.

Santiago de Compostela, 12 de marzo de 2014

María Pardo Valdés
Concelleira delegada da Área de Desenvolvemento Urbano e Sostible