Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: Granxa Caravés, S.C.
Domicilio social: Campelo, nº 8, parroquia de Caneda, 27415 Monforte de Lemos.
Denominación: liña de media tensión, centro de transformación e liña de baixa tensión Granxa Caravés.
Situación: concello de Monforte de Lemos.
Características técnicas:
– LMTA a 20 kV con orixe nun apoio existente da LMTA MOF 8033943 A Pobra do Brollón-CH Loureiro 3 e final no CTI Granxa Caravés (proxectado), cunha lonxitude de 42 metros en condutor tipo LA-56.
– CT intemperie sobre apoio de formigón, cunha potencia de 50 kVA e unha relación de transformación de 20.000/400-230 V.
– RBT con orixe no CT proxectado e final na CXP da parcela que se vai electrificar en condutor tipo RV-95, cunha lonxitude de 15 metros.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 5 de febreiro de 2014
José Manuel Vázquez Leirado
Xefe territorial de Lugo