De conformidade co disposto no artigo 59, ordinais 2 e 5 da Lei 30/1992, do 26 de setembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, por non ser posible achegarlle a notificación persoal, emprázase a Antonio María Froilán Piay para ser notificado por comparecencia dun trámite de audiencia correspondente a un recurso de alzada contra as bases definitivas da zona de concentración parcelaria de Villestro-Figueiras II (Santiago de Compostela-A Coruña).

A comparecencia deberá efectuarse no prazo de quince días, contados desde o seguinte ao da publicación deste anuncio, na sede desta xefatura territorial, situada no Edificio Administrativo de Servizos Múltiples de Monelos, rúa Vicente Ferrer, nº 2, das 9.00 ás 14.00 horas, de luns a venres.

Transcorrido o devandito prazo sen efectuarse a comparecencia, a notificación entenderase producida desde o día seguinte ao da publicación deste anuncio.

A Coruña, 25 de febreiro de 2014

Antonio Manuel Aguión Fernández
Xefe territorial da Coruña