De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase mediante a publicación no Diario Oficial de Galicia e exposición no taboleiro de edictos do Concello de Cangas a Francisco Javier Rosendo Pérez resolución que decreta o desafiuzamento administrativo e, en consecuencia, a plena recuperación para o dominio público portuario do departamento número 16 de Cangas destinado a almacén de equipamento, por non ser posible a notificación a través do servizo de Correos no derradeiro enderezo coñecido sito na avenida José M. Castroviejo, 49-1º, Cangas, Pontevedra.
Segundo informe da Xefatura da Zona Sur, por atoparse vencida a anterior autorización, remitíronse requirimentos para solicitar nova autorización ou proceder ao desaloxo do departamento o 17 de outubro e o 5 de decembro de 2012, e o 9 de outubro de 2013, e a Presidencia de Portos de Galicia efectúa o 4 de decembro de 2013 requirimento previo de desafiuzamento.
O presente acto administrativo que emite a Presidencia do Consello de Administración da entidade pública Portos de Galicia de acordo coas competencias previstas no artigo 114 da Lei 5/2011, de patrimonio da Comunidade Autónoma de Galicia, emítese ao abeiro do artigo 113 desa lei, do artigo 103 do Real decreto lexislativo 2/2011, do 5 de setembro, que aproba o texto refundido da Lei de portos do Estado e da mariña mercante, e do artigo 31 do Decreto 227/1995, que aproba o regulamento da entidade pública Portos de Galicia.
Outórgase un derradeiro prazo de 10 días hábiles contados desde a publicación da presente cédula no Diario Oficial de Galicia ou da súa exposición no taboleiro de edictos do Concello de Cangas para proceder ao desaloxo e retirada voluntarias da instalación, debendo ser retirados nese prazo todos os elementos, materiais ou equipamentos que sexan da propiedade do ocupante e que non se atopen unidos de maneira fixa ao inmoble que non poderá experimentar ningún quebrantamento. En caso de incumprimento, Portos de Galicia executará de maneira forzosa e por conta do ocupante as actuacións tendentes á recuperación.
Ao abeiro do establecido no artigo 103 do texto refundido da Lei de portos do Estado e da mariña mercante, e no 125 da Lei do patrimonio da Comunidade Autónoma de Galicia, para a execución das actuacións que quedan descritas empregarase, de ser preciso, o auxilio das forzas e corpos da seguridade do Estado.
O desaloxo voluntario dentro deste derradeiro prazo, coa entrega das chaves, será notificado á oficina portuaria sita no porto de Cangas.
Contra o exercicio da presente potestade non se admitirán accións interditais ou para a tutela sumaria da posesión das previstas na Lei de axuizamento civil.
Contra a presente resolución, que esgota a vía administrativa e é inmediatamente executiva, poderase interpoñer recurso contencioso-administrativo nun prazo de dous meses contados desde o día seguinte ao da súa publicación, perante, á elección do interesado, o xulgado do contencioso-administrativo correspondente á circunscrición onde teña aquel o seu domicilio ou o xulgado do contencioso-administrativo que corresponda de Santiago de Compostela.
E para que conste e lles sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.
Santiago de Compostela, 14 de febreiro de 2014
José Juán Durán Hermida
Presidente de Portos de Galicia