De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), notifícaselle á persoa que a continuación se relaciona a resolución do recurso de alzada do expediente instruído por infracción da Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro.
O interesado dispón dun prazo de dez días, contado a partir do día seguinte ao da publicación deste edicto, para examinar o expediente e interpor, dentro do prazo que en cada caso se estableza, o recurso pertinente.
O expediente relacionado a seguir atópase á disposición do interesado na Xefatura de Coordinación da Área do Mar-Vigo; r/ Concepción Arenal, 8, 4º andar.
Nº de expediente: PESAN1 2013/000407-5.
Denunciado: Manuel Reiriz López.
NIF: 52490349-W.
Enderezo: A Costa de Figueirón, 10 (Beluso), Bueu (Pontevedra).
Precepto infrinxido: 137.B.5.
Sanción: 300 euros.
Resolución: desestimatoria confirmando a resolución impugnada.
De conformidade co previsto na Orde da Consellería de Economía e Facenda do 23 de novembro de 2001 (DOG núm. 235, do 5 de decembro), o importe da dita sanción deberá ser aboado nos prazos que establece o artigo 62.2 da Lei 58/2003, do 17 de decembro, xeral tributaria, ou en caso contrario procederase, sen máis trámite, ao seu cobramento pola vía de constrinximento regulamentaria. Para o pagamento en período voluntario, o interesado deberá recoller na dita Xefatura de Coordinación da Consellería do Medio Rural e do Mar o documento de ingreso correspondente.
Se cumpre os requisitos previstos no artigo 151 da Lei 11/2008, do 3 de decembro, poderá solicitar, no prazo dun mes contado a partir da firmeza desta resolución, a suspensión condicional da execución da sanción imposta, mediante escrito motivado no cal manifeste o compromiso de aterse ás condicións que para o seu outorgamento se establezan, co fin de garantir, durante o prazo de suspensión, un comportamento de respecto á normativa reguladora da actividade pesqueira.
Vigo, 17 de febreiro de 2014
Miguel Ángel Pérez Dubois
Xefe territorial de Pontevedra