DOG 37 do 24/02/2014 - RESOLUCIÓN do 1 de xullo de 2013, da Dirección Xeral de Industria, Enerxía e Minas, pola que se dá publicidade á declaración de impacto ambiental formulada pola Secretaría Xeral de Calidade e Avaliación Ambiental o 12 de xuño de 2013, relativa ao proxecto do parque eólico Monte Festeiros, nos concellos de Forcarei e Silleda, promovido por AV Monte Festeiros, S.L.U.

VI. Anuncios

a) Administración autonómica

Consellería de Economía e Industria

RESOLUCIÓN do 1 de xullo de 2013, da Dirección Xeral de Industria, Enerxía e Minas, pola que se dá publicidade á declaración de impacto ambiental formulada pola Secretaría Xeral de Calidade e Avaliación Ambiental o 12 de xuño de 2013, relativa ao proxecto do parque eólico Monte Festeiros, nos concellos de Forcarei e Silleda, promovido por AV Monte Festeiros, S.L.U.

Visto o artigo 5.7º do Decreto 442/1990, do 13 de setembro, de avaliación do impacto ambiental para Galicia (DOG nº 188, do 25 de setembro),

RESOLVO:

Dar publicidade mediante esta resolución á declaración de impacto ambiental formulada pola Secretaría Xeral de Calidade e Avaliación Ambiental con data do 12 de xuño de 2013, relativa ao proxecto do parque eólico Monte Festeiros, nos concellos de Forcarei e Silleda (Pontevedra), promovido por AV Monte Festeiros, S.L.U., e que se poderá consultar na seguinte ligazón: http://www.cmati.xunta.es/resolucions-da-avaliacion-ambiental-de-proxectos e nas dependencias da Dirección Xeral de Industria, Enerxía e Minas da Consellería de Economía e Industria, sitas no Edificio Administrativo San Caetano, bloque 5, cuarto andar, en Santiago de Compostela.

Santiago de Compostela, 1 de xullo de 2013

Ángel Bernardo Tahoces
Director xeral de Industria, Enerxía e Minas