Advertidos erros na resolución publicada no Diario Oficial de Galicia núm. 9, do 15 de xaneiro de 2014, cómpre a súa corrección:

Na páxina 1606, onde di: «Convenio de colaboración entre a Axencia Turismo de Galicia e Turismo de Sanxenxo, S.L. para a realización de actividades de fomento do turismo», debe dicir: «Convenio de colaboración entre a Axencia Turismo de Galicia e Turismo de Sanxenxo, S.L. para a realización de actividades de fomento do turismo, cofinanciado polo Fondo Europeo de Desenvolvemento Rexional no marco do programa operativo Feder Galicia 2007-2013, TP 5.57.5».

Onde di: «Convenio de colaboración entre a Axencia Turismo de Galicia e os concellos galegos do Camiño Francés para actuacións de limpeza e mantemento do Camiño Francés e de atención e información ao peregrino», debe dicir: «Convenio de colaboración entre a Axencia Turismo de Galicia e os concellos galegos do Camiño Francés para actuacións de limpeza e mantemento do Camiño Francés e de atención e información ao peregrino, parcialmente cofinanciado polo Fondo Europeo de Desenvolvemento Rexional no marco do programa operativo Feder Galicia 2007-2013, TP 5.57.1».