María Isabel Freire Corzo, secretaria xudicial da Sala do Social do Tribunal Superior de Xustiza de Galicia, fai saber que no procedemento de recurso de suplicación número 3535/2013 desta sección, en que foi recorrente Casa Barqueiro, S.L. e recorridos Raquel María Lago Amorín, Bra Servicios Hostelería, S.L. e o Fondo de Garantía Salarial, sobre despedimento disciplinario, se ditou sentenza con data do 17 de xaneiro de 2014, coa seguinte parte dispositiva:

«Resolvemos desestimando o recurso de suplicación interposto pola entidade mercantil Casa Barqueiro, S.L. contra a sentenza do 31 de maio de 2013 do Xulgado do Social número 4 da Coruña, ditada no xuízo promovido por instancia de Raquel María Lago Amorín contra a recorrente e a entidade mercantil Bra Servicios de Hostelería, S.L., con intervención do Fondo de Garantía Salarial, a sala confírmaa integramente e, en legal consecuencia, condenamos a recorrente á perda de depósitos, consignacións e aseguramentos e ás custas da suplicación, cuantificando en 600 euros os honorarios da letrada impugnante da traballadora demandante.

Notifíquese esta resolución ás partes e á Fiscalía do Tribunal Superior de Xustiza e fágaselles saber que contra ela só cabe recurso de casación para a unificación de doutrina, que se preparará por escrito ante esta sala do social, dentro dos dez días seguintes ao da notificación desta sentenza e de acordo co disposto na Lei de xurisdición social.

Se a recorrente non está exenta de depósito e consignación para recorrer, deberá ingresar:

– A cantidade obxecto de condena na conta corrente desta sala no banco Banesto
nº 1552 0000 80 (nº recurso) (dúas últimas cifras do ano).

– O depósito de 600 euros na conta corrente desta sala no banco Banesto nº 1552 0000 37
(nº recurso) (dúas últimas cifras do ano).

Unha vez firme, expídase certificación para constancia na peza que se arquivará neste tribunal, e lévese o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta nosa sentenza, pronunciámolo, mandámolo e asinámolo».

E para que sirva de notificación en forma a Bra Servicios Hostelería, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 17 de xaneiro de 2014

A secretaria xudicial