O artigo 11 da Lei 4/2006, do 30 de xuño, de transparencia e boas prácticas na Administración pública galega (Diario Oficial de Galicia número 136, do 14 de xuño), impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia e para dar cumprimento a esa obriga,
DISPOÑO:
Artigo único
Dar publicidade da relación dos convenios subscritos pola Consellería de Medio Ambiente, Territorio e Infraestruturas no terceiro cuadrimestre do ano 2013, que se incorpora como anexo a esta resolución.
Santiago de Compostela, 13 de xaneiro de 2014
José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas
ANEXO
Obxecto |
Data de sinatura |
Importe |
Convenio de colaboración entre a Consellería de Medio Ambiente, Territorio e Infraestruturas da Xunta de Galicia e o Concello de Sober para a adecuación e integración paisaxística dos miradoiros na Rede Natura 2000 nos canóns do Sil. |
23.9.2013 |
80.616,06 |
Convenio de colaboración entre a Consellería de Medio Ambiente, Territorio e Infraestrutruras da Xunta de Galicia e o Concello de Lourenzá para a creación da ruta de sendeirismo Val de Lourenzá. |
26.9.2013 |
60.217,93 |
Convenio de colaboración entre a Consellería de Medio Ambiente, Territorio e Infraestruturas da Xunta de Galicia e o Concello de Meira para a sinalización e divulgación dos valores naturais no parque do Profesor Río Barja de Meira, cofinanciado nun 80 % polo Fondo Europeo de Desenvolvemento Rexional no marco do programa operativo Feder Galicia 2007/2013. |
20.9.2013 |
21.253,64 |
Convenio de colaboración entre a Consellería de Medio Ambiente, Territorio e Infraestruturas da Xunta de Galicia e o Concello de Outeiro de Rei para a recuperación dos ecosistemas ripícolas na contorna de Santa Isabel do LIC Parga-Ladra-Támoga. |
20.9.2013 |
24.833,16 |
Convenio de colaboración entre a Consellería de Medio Ambiente, Territorio e Infraestruturas da Xunta de Galicia e o Concello de Quiroga para a execución dunha área de uso público en San Mamede de Fisteus (Quiroga). |
17.9.2013 |
20.172,85 |
Convenio de colaboración entre a Consellería de Medio Ambiente, Territorio e Infraestruturas da Xunta de Galicia e o Concello de Trabada para a rehabilitación dun muíño existente no rego de Trabada e acondicionamento do seu contorno. |
16.9.2013 |
47.223,96 |
Convenio de colaboración entre a Xunta de Galicia, o organismo autónomo Parques Nacionais e o Instituto Español de Oceanografía para a realización do seguimento da xestión e conservación do hábitat mariño en augas do Parque Nacional Marítimo-Terrestre das Illas Atlánticas de Galicia. |
18.12.2013 |
0,00 |
Convenio de colaboración entre a Sociedade de Imaxe e Promoción Turística de Galicia, S.A. (Turgalicia), CMATI, Deputación Provincial de Ourense, Concello de Lobios e Concello de Muíños para a xestión e promoción do centro BTT Serra do Xurés. |
13.12.2013 |
0,00 |
Convenio de colaboración polo que se actualiza o convenio entre o Ministerio de Agricultura, Alimentación e Medio Ambiente e a Xunta de Galicia sobre actuacións da Dirección Xeral de Calidade e Avaliación Ambiental e Medio Natural en materia de Rede Natura 2000. |
19.9.2013 |
7.666.602,77 |
Convenio de colaboración entre a Administración Xeral da Comunidade Autónoma de Galicia e a Axencia Estatal do Consello Superior de Investigacións Científicas para a realización de estudos de control de calidade das augas costeiras de Galicia, cofinanciado polo Fondo Europeo de Desenvolvemento Rexional nun 80 % no marco do programa operativo Feder Galicia 2007/2013 (POTEMA 3.48). |
16.9.2013 |
140.000,00 |
Convenio de colaboración entre a Consellería de Medio Ambiente, Territorio e Infraestruturas e o Concello de Lourenzá para a reparación de beirarrúas e servizos xerais nas rúas Fernández del Riego esquina Muíño do Frade, en Lourenzá (Lugo). |
23.11.2013 |
33.499,00 |
Convenio para subscribir entre a Consellería de Medio Ambiente, Territorio e Infraestruturas e o Concello de Beariz, para a realización das obras de acondicionamento da praza de Lebozán en Beariz (Ourense). |
23.10.2013 |
31.937,13 |
Convenio entre a Consellería de Medio Ambiente, Territorio e Infraestruturas e o Concello de Sarreaus para a execución de obras en materia de urbanismo. |
14.10.2013 |
74.656,00 |
Convenio entre a Consellería de Medio Ambiente, Territorio e Infraestruturas e o Concello de Riós para a realización das obras de acondicionamento da vía que discorre polo núcleo urbano de Romariz, Concello de Riós (Ourense). |
14.10.2013 |
41.300,00 |
Convenio entre a Consellería de Medio Ambiente, Territorio e Infraestruturas e o Concello de Cartelle para a execución de obras en materia de urbanismo. |
6.9.2013 |
109.328,05 |
Convenio entre a Consellería de Medio Ambiente, Territorio e Infraestruturas e o Concello de Boborás para a execución de obras en materia de urbanismo. |
3.9.2013 |
51.512,32 |
Convenio de cooperación sociocultural entre as consellerías de Medio Ambiente, Territorio e Infraestruturas, Cultura, Educación e Ordenación Universitaria, a Axencia Turismo de Galicia, a Deputación de Ourense e o Concello de Verín para a construción do Centro Cultural das Artes de Verín, cofinanciado en parte polo Fondo Europeo de Desenvolvemento Rexional no marco do programa operativo Feder Galicia 2007/2013. |
5.11.2013 |
2.804.198,96 |