Esta Secretaría Xeral Técnica e do Patrimonio dispón a publicación no Diario Oficial de Galicia, para xeral coñecemento, do acordo do Consello da Xunta de Galicia que figura como anexo á presente resolución.

Santiago de Compostela, 21 de xaneiro de 2014

María del Socorro Martín Hierro
Secretaria xeral técnica e do Patrimonio da Consellería de Facenda

ANEXO

O Consello da Xunta de Galicia, na súa reunión do día 27 de decembro de 2013, adoptou, entre outros, o seguinte acordo:

«Autorízase:

1. A disolución e o inicio do proceso de liquidación da Sociedade de Imaxe e Promoción Turística, S.A. (Turgalicia), ao abeiro do previsto no artigo 105 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia e no artigo 360 e seguintes do Real decreto lexislativo 1/2010, do 2 de xullo, polo que se aproba o texto refundido da Lei de sociedades de capital.

2. O haber social resultante da liquidación da Sociedade de Imaxe e Promoción Turística, S.A. (Turgalicia) integrarase no patrimonio da Comunidade Autónoma de Galicia e adscribirase á Axencia de Turismo de Galicia, conforme o establecido na normativa patrimonial da Comunidade Autónoma».