A Dirección de Augas de Galicia como órgano de contratación, ao abeiro da Resolución do 30 de xaneiro de 2012 de delegación de competencias ditada pola presidencia do organismo e de acordo co establecido no Decreto 32/2012, do 12 de xaneiro, polo que se aproba o estatuto da entidade pública, e para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, procede a dar publicidade ás actuacións que a continuación se relacionan en previsión dos seus cofinanciamentos pola Unión Europea:
1) Obxecto do contrato.
a) Título: servizo de apoio en terreo para o proxecto Parcería de apoio técnico á consolidación da Administración Rexional de Augas do Norte (PATCO-ARA Norte). Mozambique.
Clave do expediente: M.13.066.
Descrición: o obxectivo xeral do proxecto é garantir o desenvolvemento da xestión dos recursos hídricos e das infraestruturas hidráulicas de Mozambique, contribuíndo á redución da pobreza da poboación.
Orzamento de adxudicación: importe neto: 17.460,00 euros. Importe total: 17.983,80 euros.
Prazo de execución: 20 meses.
Data da adxudicación: 26 de setembro de 2013.
Contratista: Sergio Garrido
b) Título: servizo de auditoría contable para o proxecto PATCO-ARA Norte. Mozambique.
Clave do expediente: M.13.069.
Descrición: o obxectivo xeral do proxecto é garantir o desenvolvemento da xestión dos recursos hídricos e das infraestruturas hidráulicas de Mozambique, contribuíndo á redución da pobreza da poboación.
Orzamento de adxudicación: importe neto: 5.000,00 euros. Importe total: 6.050,00 euros.
Prazo de execución: 24 meses.
Data da adxudicación: 26 de novembro de 2013.
Contratista: Auditores de Finanzas Asociados, S.L.
2) Cofinanciamento da Unión Europea.
A actuación referida está cofinanciada pola Unión Europea nunha porcentaxe máxima do 75 % a través do proxecto Parcería de apoio técnico á consolidación da Administración Rexional de Augas do Norte (ARA-Norte), Mozambique.
Augas de Galicia é o socio coordinador do mencionado proxecto no marco da convocatoria da DG EuropeAid (da Unión Europea): 10 EDF ACP-EU Water facility Restricted Call for Partnerships for Capacity Development in the ACP Water & Sanitation Sector (EUROPEAID/129510/C/ACT/Multi).
O 2 de agosto de 2011 a Comisión Europea resolveu outorgar a Augas de Galicia unha subvención para o financiamento do proxecto PATCO ARA-Norte asinado pola Unión Europea o 8 de xuño de 2012 e por Augas de Galicia o 25 de xuño de 2012 co contrato subvención número 2011/257-073.
Santiago de Compostela, 17 de xaneiro de 2014
P.D. (Resolución 30.1.2012; DOG nº 21, do 31 de xaneiro)
Francisco Menéndez Iglesias
Director de Augas de Galicia