De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase mediante a publicación no Diario Oficial de Galicia e exposición no taboleiro de edictos do Concello de Pontevedra a Miguel Ángel García Teijeiro, con DNI 32424575, e derradeiro domicilio coñecido na rúa Arcebispo Malvar, número 10, 3º D de Pontevedra, o seguinte requirimento:

Segundo a acta número 2013-006345-00000239 por infracción á normativa sobre residuos e verteduras que se efectúa no peirao das Corbaceiras ás 3.50 horas do 2 de maio de 2013 pola Dirección Xeral da Garda Civil, Pafif de Marín, o vehículo Peugeot 205, con matrícula PO-9432-AJ está estacionado en evidente estado de abandono sen ter concertado o seguro obrigatorio desde o 4.5.2011 e coa ITV caducada desde o 25.11.2011.

Considerando o exposto, e dado que na zona onde se atopa o vehículo a entidade pública Portos de Galicia é a administración competente en materia de xestión de tráfico, de conformidade co disposto no artigo 86.1 do Real decreto lexislativo 339/1990, do 2 de marzo, que aproba o texto articulado da Lei sobre tráfico, circulación de vehículos de motor e seguridade viaria, requírese a Miguel Ángel García Teijeiro para que nun prazo máximo de 10 días contado desde a publicación da presente cédula no Diario Oficial de Galicia ou exposición no taboleiro de edictos do Concello de Pontevedra, proceda a retirar o vehículo da zona de servizo do porto das Corbaceiras.

No caso de incumprirse o presente requirimento, Portos de Galicia, sen máis trámites, daralle ao vehículo tratamento de residuo, e procederá en consecuencia ao seu traslado a un centro autorizado de tratamento de vehículos para a súa posterior destrución e descontaminación.

O anterior entenderase sen prexuízo das sancións administrativas que procedan en dereito.

Para o seu exame, o expediente completo está nas dependencias dos servizos centrais de Portos de Galicia en Área Central, praza de Europa, 5-A, 6º, 15707 Santiago de Compostela.

E para que conste e lle sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.

Santiago de Compostela, 17 de xaneiro de 2014

José Ignacio Villar García
Director de Portos de Galicia