Mediante esta cédula, e debido a que os debedores comprendidos na relación que a seguir se insire non foron atopados nos domicilios que figuran nos rexistros deste centro, ou que alegaron distintas causas para non recibir as notificacións as persoas que a lexislación autoriza para facerse cargo delas, comunícase que:

Deberán ingresar o importe da débeda na conta bancaria 0046/0272/53/0000025560, nos prazos que se sinalan no artigo 20 do Real decreto 1684/1990, do 20 de decembro, polo que se aproba o Regulamento xeral de recadación (RXR).

Se se realiza o ingreso unha vez transcorridos os prazos establecidos no dito artigo 20 do RXR, exixiranse os correspondentes xuros de demora (art. 21 da Lei de réxime financeiro e orzamentario de Galicia).

Transcorridos 6 meses desde a finalización do prazo sen que se produza o cobramento, iniciarase o período executivo.

Contra esta liquidación poderá interporse no prazo de 15 días hábiles, a partir do seguinte a esta notificación, recurso potestativo de reposición ante o órgano emisor ou, no mesmo prazo, reclamación económico-administrativa ante o Tribunal Económico-Administrativo da Comunidade Autónoma.

Para que conste, lle sirva de notificación ao interesado e en cumprimento do disposto no artigo 59.4 da Lei 30/1992, de 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, expido, asino e selo esta cédula.

Vigo, 15 de novembro de 2013

Mario González González
Xerente de Xestión Integrada de Vigo

ANEXO