Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: LMT de acometida ao Polígono Industrial de Sequeiros.

Situación: Barro.

Características técnicas: LMT aérea a 20 kV con condutor LA-56 de 19 metros de lonxitude, con orixe no apoio existente C2000712 da liña TIB810 (Arcos) e final no apoio proxectado 1600/11 na mesma liña, do cal continúa subterránea 28 metros, con condutor RHZ, finaliza no centro de transformación existente 4 e 5 no Polígono Industrial de Sequeiros, Barro.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avda. Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 13 de decembro de 2013

Ignacio Rial Santomé
Xefe territorial de Pontevedra