Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: adecuación LMT, CT Finllido.
Situación: concello de Laxe.
Características técnicas:
Liña de media tensión soterrada a CT Finllido, a 20 kV, cunha lonxitude de 0,084 km, con orixe no paso aerosubterráneo que se realizará no apoio nº 88 existente da LMT CBA-804, no tramo entre o CT praia de Laxe (expediente 123/94) e a derivada ao CT Vila Amparo (expediente 97/97), en condutor RHZ1-2OL-12/20 kV 3(1×95) Al e final no CT Finllido proxectado.
Centro de transformación prefabricado, cunha potencia de 400 kVA e unha relación de transformación de 20.000/400-230 V.
Saídas rede de baixa tensión soterrada, cunha lonxitude de 0,030 km, con orixe no CT Finllido proxectado, condutor XZ1.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 10 de decembro de 2013
Susana Vázquez Romero
Xefa territorial da Coruña