De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro (BOE núm. 13, do 14 de xaneiro), notifícaselle á persoa que a seguir se indica a resolución do expediente administrativo instruído de conformidade co disposto no artigo 172 e seguintes do Código civil, por non ser posible a dita notificación no último domicilio que consta no expediente que figura nesta xefatura territorial.
A interesada poderá interpoñer recurso ante o Xulgado de Primeira Instancia de Pontevedra que por quenda corresponda, no prazo de dous meses desde o día seguinte ao da publicación desta resolución, sen necesidade de reclamación administrativa previa, de conformidade co disposto no artigo 780 da Lei 1/2000, do 7 de xaneiro, de axuizamento civil.
Os correspondentes expedientes figuran no Servizo de Familia e Menores da Xefatura Territorial en Vigo da Consellería de Traballo e Benestar.
Nº de expedientes: 1998/325-5, 2007/621-5 e 2007/622-5.
Interesada: Marina Fabiana Fernández Telle.
Domicilio: descoñecido.
Asunto: notificación dunha resolución administrativa do 20 de novembro de 2013.
Vigo, 5 de decembro de 2013
María Peón Fernández
Xefa territorial de Vigo