O 7 de novembro de 2013, a instrutora do procedemento ditou proposta de resolución do expediente sancionador nº 2013124TA-LU, incoado na Xefatura Territorial de Lugo a José Manuel Ron Lombardero, titular do establecemento Café-Bar Rony Bar.
Intentada a notificación da proposta de resolución segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e ao abeiro do disposto no número 5 do referido artigo, notifícaselle a José Manuel Ron Lombardero, titular do establecemento Café-Bar Rony Bar, o contido da referida proposta de resolución, que figura como anexo, para que poida ter coñecemento dela.
Así mesmo, fáiselle saber o dereito que o asiste, ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta xefatura territorial no prazo de quince (15) días hábiles, contados desde o seguinte ao da publicación desta cédula, e lémbraselle o seu dereito a consultar o expediente depositado nas dependencias desta xefatura, sita na rúa Montevideo, nº 9, de Lugo, e a obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.
Esta cédula expídese para que conste e lle sirva de notificación ao interesado, en cumprimento do disposto no artigo 59.5 da Lei 30/1992, do 26 de novembro.
Lugo, 17 de decembro de 2013
Purificación Rivas Varela
Xefa territorial de Lugo
ANEXO
Nº de expediente: 2013124TA-LU.
Denunciado: José Manuel Ron Lombardero, titular do establecemento Café-Bar Rony Bar.
DNI: 76570402K.
Último enderezo coñecido: estrada xeral, núm. 10, A Pontenova (Lugo).
Feitos imputados: infracción da lexislación aplicable en materia sanitaria.
Preceptos presuntamente infrinxidos: artigos 7.u) e 19.3.b) da Lei 28/2005, do 26 de decembro, de medidas sanitarias fronte ao tabaquismo e reguladora da venda, a subministración, o consumo e a publicidade dos produtos do tabaco, modificada pola Lei 42/2010, do 30 de decembro.
Tipificación: grave.
Sanción proposta: seiscentos un euros (601,00 €).