Nesta secretaría xeral recibiuse escrito do presidente da Sección Segunda da Sala do Contencioso-Administrativo do Tribunal Superior de Xustiza de Galicia, en relación cos recursos contencioso-administrativos números P.O. 4596/2013, interposto por Dolores Terceiro Durán e Manuel Terceiro Durán; P.O. 4661/2013, interposto por Eduardo Javier Caramés Paz; P.O. 4590/2013, interposto por Mª del Carmen Magariños Constenla, Carlos Magariños Constenla, Antonio Magariños Constenla e 4 máis; P.O. 4595/2013, interposto por María Olivia Donado Campos; P.O. 4589/2013, interposto por Mª de los Ángeles Rivas Lemos, Jesús Fraga Rivas, Mª de los Ángeles Fraga Rivas e MªJosé Fraga Rivas; P.O. 4594/2013, interposto por Manuel Pedro Francisco Donado Campos; P.O. 4599/2013, interposto por Manuel Rolando Fernández Requeijo e 52 máis e P.O. 4540/2013, interposto por Ramón Serantes Barral e 3 máis contra a Orde do 3 de xuño de 2013 ditada pola Consellería de Medio Ambiente, Territorio e Infraestruturas na aprobación definitiva do PXOM do Concello da Estrada (Pontevedra).
Para os efectos de cubrir o solicitado no devandito escrito, faise constar que o expediente xa foi remitido por esta secretaría, á Sección Segunda do Tribunal Superior de Xustiza de Galicia con data do 21 de novembro de 2013.
O que se notifica para xeral coñecemento de todas as persoas interesadas no procedemento, emprazándoas para que poidan comparecer como demandados nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 12 de decembro de 2013
José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas