De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), e dado que non foi posible practicar a notificación,
DISPOÑO:
1. Notificar mediante a presente cédula a Florinda Extremadouro Extremadouro o Acordo do Xurado de Expropiación de Galicia do 10 de outubro de 2013, que fixa o prezo xusto do predio número 97 sito en Pazos de Borbén relativo ao proxecto 01208, expediente 2012/000905, cuxos datos se relacionan no anexo.
2. Contra esta resolución, que esgota a vía administrativa, a persoa interesada poderá interpoñer recurso potestativo de reposición ante o mesmo órgano que a ditou, no prazo dun mes contado desde o día seguinte ao da súa notificación ou publicación, de acordo co previsto nos artigos 116 e 117 da LRXPAC. A persoa interesada, poderá tamén interpoñer directamente o recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación ou publicación, de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non poderá interpoñerse ata que sexa resolto o recurso de reposición ou se entenda presuntamente desestimado. O texto íntegro do acordo referido na presente cédula está á disposición da interesada nas dependencias do Xurado de Expropiación de Galicia, con enderezo no Edificio Administrativo de San Lázaro, s/n, de Santiago de Compostela, 15703.
3. En consecuencia, para que conste e lle sirva de notificación á persoa expropiada, expido, asino e selo esta cédula.
Santiago de Compostela, 27 de novembro de 2013
Juan Carlos Argüello Fernández
Presidente do Xurado de Expropiación de Galicia
ANEXO
Proxecto para o cal se expropia: 01208-LAT 66 kV Ponte Caldelas-Pazos de Borbén. Exp. IN407A 05/784-4. TM Ponte Caldelas, Soutomaior e Pazos de Borbén.
Nº de expediente: 2012/000905.
Persoa que se vai a notificar: Florinda Extremadouro Extremadouro.
Expropiante: Consellería de Innovación e Industria. Deleg. Prov. de Pontevedra. Oficina Vigo.
Expropiados: Hros. Florinda Extremadouro.
Beneficiaria: Eléctrica Moscoso, S.L.
Predio nº: 97.
Concello: Pazos de Borbén.
Provincia: Pontevedra.
Valoración resolución do xurado: 479,03 €.