O Pleno do Concello, na sesión extraordinaria que tivo lugar o día 18 de decembro de 2013, aprobou a adaptación do Plan xeral de ordenación municipal do concello do Rosal, inicialmente aprobado en sesión plenaria con data do 30 de novembro de 2009, ás directrices de ordenación do territorio e ao Plan de ordenación do litoral de Galicia.
Polo presente, o plan aprobado inicialmente, coas pertinentes modificacións derivadas da citada adaptación, e con todos os documentos integrantes do expediente tramitado, sométese ao trámite de información pública, durante un prazo de dous meses, mediante anuncio no Diario Oficial de Galicia e en dous dos xornais de maior difusión na provincia de Pontevedra, o cal se computará a partir da publicación deste anuncio no Diario Oficial de Galicia.
O Rosal, 20 de decembro de 2013
Jesús María Fernández Portela
Alcalde