De conformidade co disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado que a seguir se relaciona, o acordo de iniciación do procedemento sancionador en materia de turismo, por infracción administrativa da Lei 7/2011, do 27 de outubro, do turismo de Galicia, expediente LU-23/2013, incoado ao titular do establecemento de campamento de turismo denominado Vila de Sarria, situado na estrada de Pitín, km-1 do concello de Sarria (Lugo), xa que, intentada a notificación polos medios habituais, non se puido practicar.

Noméase instrutor do procedemento a Francisco López Castro e secretaria a Mercedes Campos Casares, funcionarios desta área provincial de turismo. O seu réxime de recusación é o previsto nos artigos 28 e 29 da Lei 30/1992.

Segundo o establecido no artigo 16.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o interesado disporá dun prazo de quince días, contados a partir do seguinte ao da publicación desta notificación, para achegar por escrito cantas alegacións, documentos ou informacións considere convenientes e, se é o caso, propoñer proba concretando os medios de que pretenda valerse.

Conforme o establecido no artigo 13.2º do Real decreto 1398/1993, de non efectuar alegacións no prazo anteriormente indicado, este acordo de iniciación poderá ser considerado proposta de resolución, determinándose, para estes efectos, o importe da sanción.

O pagamento voluntario poderá poñer fin ao expediente. Para efectualo deberá empregar o impreso normalizado que lle será facilitado nesta área provincial de turismo, sita no Edificio Administrativo da Xunta de Galicia na rolda da Muralla de Lugo.

O órgano competente para a resolución do procedemento é a xefa da Área Provincial de Turismo en Lugo, segundo o disposto no artigo 119.1.a) da Lei 7/2011, e no Decreto 196/2012, do 27 de setembro, polo que se crea a Axencia Turismo de Galicia e se aproban os seus estatutos.

O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).

Expediente: LU-23/2013.

Denunciada: Camping Vila de Sarria, S.L.L.

Establecemento: Camping Vila de Sarria.

Enderezo: estrada de Pitín, km-1. Localidade: Sarria.

Feitos denunciados: deficiencias observadas na instalación.

Preceptos infrinxidos: artigo 35.d) da Lei 7/2011, do turismo de Galicia.

Tipificación da infracción: artigo 109.6 da Lei 7/2011, do turismo de Galicia.

Cualificación: leve.

Sanción: apercibimento.

Lugo, 12 de decembro de 2013

Paloma Vázquez Fernández
Xefa da Área Provincial de Turismo de Lugo