Ponse en coñecemento dos interesados na concentración parcelaria da zona de San Vicenzo de Curtis (Vilasantar-A Coruña), declarada de utilidade pública e urxente execución polo Decreto do 13 de abril de 1989 (DOG nº 92, do 15 de maio), que a xunta local da zona, na súa reunión do 27 de novembro de 2013, unha vez introducidas as modificacións oportunas, á vista do resultado da enquisa das bases provisionais, aprobou as bases definitivas, que lles serán notificadas individualmente a cada un dos afectados e que estarán expostas ao público no Concello de Vilasantar e na zona, durante o prazo de trinta días naturais, de conformidade co establecido na Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro.

Os documentos que se poden examinar no concello refírense á determinación do perímetro, á clasificación de terras, á fixación dos coeficientes que servirán de base para facer as compensacións que sexan necesarias e á determinación de propietarios e titulares de gravames e outras situacións xurídicas das cales se declara formalmente a súa titularidade.

Contra estas bases os interesados poderán interpoñer recurso de alzada ante a persoa titular da Consellería do Medio Rural e do Mar dentro do prazo de trinta días, que contarán desde a notificación persoal ou publicación substitutiva. Os recursos poderán presentarse nesta xefatura territorial (Edificio Administrativo Monelos, praza Luis Seoane, s/n, A Coruña), nas oficinas centrais da consellería (San Caetano, s/n, Santiago de Compostela) ou en calquera das dependencias a que fai referencia o artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

A Coruña, 28 de novembro de 2013

Antonio Manuel Aguión Fernández
Xefe territorial da Coruña