Para os efectos previstos no artigo 54 da Lei 7/2012, do 28 de xuño, de montes de Galicia, dáselle publicidade á proposta de deslindamento parcial do monte veciñal en man común das Negradas con propiedades particulares.

O 3 de setembro de 2013 foi presentada a proposta de deslindamento parcial do monte veciñal en man común das Negradas, con propiedades particulares de Vilar, cun plano topográfico realizado por técnico competente.

Xunto coa proposta de deslindamento consta o acordo da asemblea xeral da comunidade das Negradas en que se aproba a dita proposta.

Con data do 22 de novembro de 2013, o Servizo de Montes de Lugo emitiu un informe favorable ao considerar que non existe menoscabo da integridade do monte veciñal en man común ao producirse un incremento de 16 hectáreas, 57 áreas e 74 centiáreas na súa superficie.

O plano topográfico e a restante documentación desta proposta de deslindamento parcial estará dispoñible para a súa consulta nas oficinas do Servizo de Montes de Lugo, sitas na rolda da Muralla, 70, baixo, 2º. Este expediente poderá ser examinado polas persoas interesadas todos os días hábiles das 9.00 ás 14.00 horas.

Contra esta proposta de deslindamento, no prazo dun mes desde a publicación deste anuncio no Diario Oficial de Galicia, poderanse presentar alegacións e títulos que acrediten a propiedade ou a posesión dos predios estremeiros ante a comunidade propietaria do monte das Negradas.

Lugo, 25 de novembro de 2013

José Ramón Losada Fernández
Xefe territorial de Lugo