De conformidade co establecido no artigo 29 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia (DOG do 13 de xuño); no artigo 52 do Real decreto 364/1995, do 10 de marzo, do Regulamento xeral de ingreso, provisión de postos de traballo e promoción do persoal ao servizo da Administración xeral do Estado e demais normativa de procedente aplicación, e no uso das atribucións conferidas no artigo 40 dos estatutos desta universidade, aprobados polo Decreto 101/2004, do 13 de maio (DOG do 26 de maio), e da delegación de competencias operada pola Resolución do 16 de xaneiro de 2012, esta xerencia
DISPÓN:
Primeiro. Anunciar a convocatoria para cubrir, polo sistema de libre designación, o posto de traballo que se indica no anexo I.
Segundo. Poderán concorrer a ela todos/as os/as funcionarios/as que reúnan as condicións que para o posto de traballo se sinalan no anexo I.
Terceiro. As solicitudes, que irán dirixidas á Xerencia da Universidade da Coruña, empregarán o modelo que consta como anexo II a esta convocatoria e presentaranse no Rexistro Xeral (rúa Mestranza nº 9, 15001 A Coruña) e nos rexistros auxiliares desta universidade (Casa do Lagar, Campus de Elviña-A Coruña, e Doutor Vázquez Cabrera s/n, 15403 Ferrol), ou remitiranse a través das formas previstas no artigo 38.4º da Lei 30/1992, de réxime xurídico das administracións públicas e do procedemento administrativo común, no prazo de quince días contados a partir do seguinte ao da publicación desta resolución no Diario Oficial de Galicia.
Á solicitude xuntaráselle un currículo en que se especifiquen os méritos, que se acreditarán documentalmente.
Esta convocatoria, así como os actos administrativos que dela deriven, poderán ser impugnados no prazo e na forma establecidos na vixente Lei de réxime xurídico das administracións públicas e do procedemento administrativo común.
A Coruña, 25 de novembro de 2013
Juan Manuel Díaz Villoslada
Xerente da Universidade da Coruña
ANEXO I
Núm. posto RPT: 1.
Denominación do posto: secretario/a do presidente do Consello.
Centro: Consello Social.
Grupo: A2/C1.
Tipo de posto: singularizado.
Complemento de destino: 22.
Complemento específico mensual: 620,78 €.
Forma de provisión: libre designación.
Requisitos: funcionario/a de carreira da escala de xestión e da escala administrativa con destino definitivo na Universidade da Coruña e funcionarios/as de carreira do grupo A2 e C1 que pertenzan a corpos e escalas da Administración do Estado, das comunidades autónomas e da Administración local, así como de escalas propias doutras universidades.
Méritos preferentes:
1. Experiencia previa:
– No campo da xestión económica universitaria, preferentemente na xestión e control de centros de gasto.
– En labores de secretaría/apoio a cargos directivos.
2. Dominio de ferramentas ofimáticas (nivel experto).
3. Coñecementos de idiomas estranxeiros:
– Inglés nivel alto (lectura, escritura, conversa).
4. Formación complementaria e habilidades:
– Formación orientada ao perfeccionamento do uso do galego e da linguaxe administrativa.
– Formación no campo do protocolo universitario e da comunicación.
– Formación en materia de xestión documental, arquivamento e administración electrónica.
– Habilidades de comunicación oral e escritura.
– Capacidade para traballar en equipo.
– Motivación, proactividade e orientación e resultados.
ANEXO II
Apelidos |
Nome |
NIF |
|||||
Data de nacemento |
Corpo ou escala |
Grupo |
Nº de rexistro persoal |
||||
Enderezo |
Localidade |
Provincia |
|||||
Teléfono fixo |
Teléfono móbil |
Enderezo electrónico |
|||||
Posto que solicita |
|||||||
Destino actual |
|||||||
Departamento |
Organismo |
Localidade |
Solicito: ser admitido/a ao concurso convocado por Resolución da Universidade da Coruña do 25 de novembro de 2013, para a provisión, polo sistema de libre designación, do posto que máis arriba indico.
A Coruña, _________de_______________________de 2013
(Sinatura do solicitante)
Xerencia da Universidade da Coruña