A S.A. de Xestión do Plan Xacobeo é unha sociedade pertencente ao sector público autonómico baixo a tutela funcional da Axencia Turismo de Galicia.
O Consello de Administración, na súa sesión do 2 de decembro de 2013, acordou iniciar o proceso de selección para o posto de director/a xerente da S.A. de Xestión do Plan Xacobeo e aprobar as bases que rexerán a convocatoria.
En execución do dito acordo, mediante este anuncio convócase unha praza de director/a xerente en réxime de persoal laboral de alta dirección para a prestación de servizos coa devandita cualificación na S.A. de Xestión do Plan Xacobeo.
As bases e condicións atópanse na web da entidade solicitante www.xacobeo.es e no seu taboleiro de anuncios.
Santiago de Compostela, 2 de decembro de 2013
María Nava Castro Domínguez
Presidenta do Consello de Administración da S.A. de Xestión do Plan Xacobeo