De conformidade co disposto no artigo 59.9 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), publícase a notificación de emprazamento para o trámite de audiencia, a María Santorum Rodríguez, no expediente núm. IU2/26/2013-R1, en relación ao recurso potestativo de reposición interposto contra a Resolución do 27 de agosto de 2013, da Subdirección da Axencia de Protección da Legalidade Urbanística, por substitución da Dirección (artigo 3 do Decreto 51/2008, do 6 de marzo), en relación coas obras de construción dunha vivenda e unha construción auxiliar, no lugar de Pedrouzos, Bendoiro, termo municipal de Lalín, provincia de Pontevedra.

O expediente mencionado encóntrase á disposición da interesada nas dependencias da Axencia de Protección da Legalidade Urbanística, sitas no Edificio Witland, 1º andar, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Unha vez transcorrido o dito prazo, a notificación entenderase producida.

A interesada disporá dun prazo de 10 días hábiles, contados a partir do día seguinte a aquel en que se teña producido a notificación, para presentar as alegacións que considere procedentes.

Para que conste e lle sirva de notificación á interesada, en cumprimento do disposto no artigo 59.5 da LRXPAC, expido e asino esta cédula.

Santiago de Compostela, 12 de novembro de 2013

María Martínez Allegue
Directora da Axencia de Protección da Legalidade Urbanística