Susana Varela Amboage, secretaria xudicial do Xulgado do Social número 3 de Santiago de Compostela, fai saber que no procedemento execución de títulos xudiciais número 245/2013 deste xulgado do Social, seguido por instancia de Jesús Luis Montero Ares contra as empresas APV Motor, S.A., Autos 33, S.A., Millarent, S.L., Sanrent, S.L., sobre reclamación de cantidade, se ditou a dilixencia de ordenación do 30 de outubro de 2013, que é como segue:

«Dilixencia de ordenación.

Secretaria xudicial Susana Varela Amboage.

Santiago de Compostela, 30 de outubro de 2013.

O traballador Jesús Luis Montero Ares presentou escrito en que exixía o cumprimento polo empresario da obriga de readmisión, e despachado auto de execución de sentenza, de conformidade co artigo 280 da Lei de xurisdición social, acordo:

Citar de comparecencia as partes e o Fondo de Garantía Salarial coas advertencias legais, facéndolles saber que deben asistir cos medios de proba de que se intenten valer, e fixo o vindeiro día 2.12.2013, ás 8.50 horas, para a comparecencia.

De non asistir o traballador ou persoa que o represente, considerarase que desiste na súa solicitude; se non o fai o empresario ou o seu representante, terá lugar o acto sen a súa presenza.

Así mesmo, acordo a citación dos executados por medio de edictos que se fixarán no taboleiro de anuncios deste xulgado e no Diario Oficial de Galicia.

Notifíquese ás partes e fágaselles saber que, en aplicación do mandato contido no artigo 53.2 da Lei de xurisdición social, no primeiro escrito ou comparecencia ante o órgano xudicial, as partes ou interesados e, de ser o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións intentadas neles sen efecto serán válidas ata que non sexan facilitados outros datos alternativos, e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similar, sempre que estes últimos estean a ser utilizados como instrumentos de comunicación co tribunal.

Modo de impugnación. Mediante recurso de reposición que se deberá interpor ante quen dita esta resolución, no prazo dos tres días hábiles seguintes ao da súa notificación, con expresión da infracción que contén a xuízo do recorrente, sen que a interposición do recurso teña efectos suspensivos con respecto á resolución contra a cal se recorreu.

A secretaria xudicial»

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial.

E para que sirva de citación en legal forma a APV Motor, S.A., Autos 33, S.A., Millarent, S.L., Sanrent, S.L., para a comparecencia que se celebrará o día 2 de decembro de 2013, ás 8.50 horas, na sala de audiencias deste xulgado, sita no edificio dos xulgados, na planta baixa, sala 3, na rúa Berlín, s/n, expido este edicto.

Santiago de Compostela, 30 de outubro de 2013

A secretaria xudicial