Segundo o disposto no artigo 15.3 do Decreto 130/1997, do 14 de maio, polo que se aproba o Regulamento de ordenación da pesca fluvial e dos ecosistemas acuáticos continentais de Galicia, a Xefatura Territorial de Medio Ambiente, Territorio e Infraestruturas de Pontevedra somete a información pública o expediente de modificación do couto troiteiro de Souto de Vea.
A modificación consiste en:
– O aumento da lonxitude do couto nun quilómetro, polo que se move augas abaixo o seu límite inferior, que pasa da ponte de Riba de Vea á ponte de Poceños.
– O incremento do número de días hábiles de pesca, que pasan de tres a cinco (martes, mércores, venres, sábados e domingos).
O expediente está á disposición de todos aqueles que puideren ter interese nel no Servizo de Conservación da Natureza, na avenida Fernández Ladreda, 43, 2º, Pontevedra, durante un prazo de 15 días a partir da data de publicación deste anuncio.
Pontevedra, 4 de novembro de 2013
José Luis Díez Yánez
Xefe territorial de Pontevedra