Con data do 21 de outubro de 2013, o alcalde do Concello de Taboadela, Manuel Gallego Vila, asinou un convenio urbanístico con Jesús Cid Quintas, en representación da empresa Sistemas Delfín, S.L., con CIF B-78055860, para substituír o deber legal de cesión do 10 % do aproveitamento tipo que lle corresponde como propietario e urbanizador do 100 % do solo comprendido no ámbito do sector UDI-2, delimitado na modificación puntual nº 1 do PXOM de Taboadela. Estes terreos teñen a consideración de solo urbanizable delimitado industrial, cun aproveitamento estimado de 1.135,8 m2, polo pagamento de 12.093,67 euros, conforme á valoración efectuada polos servizos técnicos municipais.
Segundo consta no citado convenio, a propiedade comprométese a aboar a citada cantidade no prazo máximo de catro (4) meses seguintes á sinatura deste convenio.
En cumprimento do disposto no artigo 237 da Lei de ordenación urbanística e protección do medio rural de Galicia, sométese este convenio ao trámite de información pública mediante anuncio que se publicará no Diario Oficial de Galicia e no xornal La Región de Ourense, por un período de vinte días.
Os interesados poden examinar o referido convenio na Secretaría do concello durante o prazo de exposición, das 9.00 ás 14.00 horas, de luns a venres.
Taboadela, 22 de outubro de 2013
M. Gallego Vila
Alcalde