Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Unión Fenosa Distribución, S.A.
Domicilio social: avda. de Arteixo, nº 171, 15007 A Coruña.
Denominación: ampliación subestación Castrelo 220 kV (legalización).
Situación: Castrelo de Miño.
Características técnicas:
Trafo de 20.000 kVA e R/T 220.000/20.000 V que ocupa a posición T-I. Este transformador é trifásico de bornes convencionais de radiadores de refrixeración adosados á cuba conéctase ao lado de 220 kV pos. 209 por medio de cable cóndor, e a posición de MT pos. 811 por medio de dúas ternas de cable illado de aluminio RHV, 15/25 kV 1×240 AL +H16.
CT servizos auxiliares de 160 kVA e R/T 20.000/400-230 V.
Orzamento: 126.100 euros.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez, 1-4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Ourense, 8 de outubro de 2013
P.S.L. (Decreto 110/2013, do 4 de xullo)
Alfonso Tomás Paz Doniz
Xefe do Servizo de Administración Industrial