O Consello de Administración da Autoridade Portuaria de Vigo, de acordo co informe da directora, na súa sesión do 25 de outubro de 2013, acordou, de conformidade co artigo 69.4.b) do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, someter o presente expediente ao trámite de información pública parcial polo prazo de 45 días, mediante a publicación do presente anuncio.

O prazo de exposición pública entenderase aberto desde a publicación do presente anuncio ata a súa finalización aos 45 días hábiles.

A documentación do presente expediente atópase á disposición dos interesados na páxina web da Autoridade Portuaria de Vigo www.apvigo.com, de forma permanente, así como nas oficinas centrais da Autoridade Portuaria de Vigo, praza da Estrela, 1, 36201 Vigo, onde se poderá comprobar das 9.00 ás 14.00 horas, de luns a venres.

O presente anuncio servirá de notificación, nos termos establecidos no artigo 59.6.a) da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos e todas aqueles/as interesados/as directamente afectados/as que, por resultaren descoñecidos/as ou por ignorarse o seu domicilio, non poidan ser notificados persoalmente.

Todo o anterior comunícase para os efectos de que todos os interesados poidan formular alegacións contra a citada modificación da delimitación, no prazo anteriormente citado.

Vigo, 25 de outubro de 2013

Ignacio López-Chaves Castro José Ramón Costas Alonso
Presidente da Autoridade Portuaria Secretario da Autoridade Portuaria
de Vigo de Vigo