Encarnación Mercedes Tubío Lariño, secretaria xudicial do Xulgado do Social número 4 da Coruña, dou fe e certifico que neste xulgado se seguen autos número 186/2011, por instancia de Inspección de Traballo e Seguridade Social contra a empresa Pimiamite, S.L., Silvana Novais de Jesús, Mihai e Cleidilene Sardinha Lisboa e María José Villasuso, Andrea Alves Sousa Oliveira e Kates Aslha, sobre procedemento de oficio nos que recaeu sentenza, con data do 8.11.2013, que copiada nos particulares necesarios di así:
«Decido.
Estímase a demanda de oficio formulada pola Inspección de Traballo e Seguridade Social fronte á empresa Pimiamite, S.L. e, en consecuencia:
Declárase que a relación existente entre Pimiamite, S.L. e Silvana Novais de Jesús, Mioara Mihai, Cleidilene Sardinha Lisboa, María José Villasuso Villaverde, Andrea Alves Sousa Oliveira e Kates Ashla ten carácter laboral.
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado ou graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado xuíz do Xulgado do Social número 4 da Coruña».
E para que conste, para os efectos da súa publicación no Diario Oficial de Galicia co fin de que sirva de notificación en forma a Mioara Mihai e Kates Ashila, expido e asino este edicto.
A Coruña, 23 de xullo de 2013
A secretaria xudicial