Anuncio de apertura sometida a avaliación ambiental.
Ao abeiro do artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública, por un período de vinte días, a seguinte actividade:
Expediente: 61/2012.
Actividade: instalación dun almacén fiscal de hidrocarburos.
Situación: parcela E-2A do polígono industrial de Bértoa, Carballo.
Solicitante: Bergansol, S.L., representada por María del Carmen Rodríguez Vilanova.
A información pública será mediante un anuncio no Diario Oficial de Galicia, no Boletín Oficial da provincia e exposición pública no taboleiro de anuncios do concello.
A apertura do trámite de información pública notificaráselles persoalmente aos veciños e titulares de dereitos inmediatos ao lugar da instalación proposta, para os efectos de que poidan alegar o que consideren oportuno.
Carballo, 24 de setembro de 2013
Evencio Ferrero Rodríguez
Alcalde