Convocada a provisión, polo sistema de libre designación, dun posto de traballo vacante na Consellería do Medio Rural e do Mar, mediante a Orde do 5 de xuño de 2013 (DOG nº 115, do 5 de xuño), de conformidade co establecido na base sexta da referida orde,

RESOLVO:

Primeiro. Declarar deserto o posto secretario/a do/a director/a xeral, con código MR.303.00.000.15770.001 (código actualizado segundo a RPT publicada no DOG núm. 147, do 2 de agosto de 2013).

Segundo. Contra esta orde, que esgota a vía administrativa, os/as interesados/as poderán interpoñer un recurso potestativo de reposición ante esta consellería, no prazo dun mes contado desde o día seguinte ao da súa publicación no DOG, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 11 de setembro de 2013

P.D. (30.3.2012; DOG do 12 de abril)
Alfonso García Magariños
Secretario xeral técnico da Consellería do Medio Rural e do Mar