De conformidade co acordo da Axencia Tributaria de Galicia de 20 de agosto de 2013, infórmase que o día 21.11.2013 ás 10.00 horas, no salón de actos da Xefatura Territorial da Consellería de Facenda da Coruña (sita na praza de Pontevedra, 22), terá lugar a poxa pública dos bens/dereitos que se describen a seguir:
|
Lote |
Descrición do ben |
Valor |
Cargas |
Tipo 1 |
Tramo |
|
1 |
100 % do pleno dominio da parcela cun único inmoble destinada a uso industrial agrario sita no lugar de Esteve, concello das Somozas. Superficie do solo: 239 metros cadrados. Superficie construída: 126 metros cadrados. Linda ao nordeste co predio propiedade de Francisca Nicolasa Durán Permuy; ao sur co predio propiedade de Carlos Sueiras Dopico, e ao oeste con vía de comunicación. Predio catastral 000200300NJ81F0001GM, anotado por suspensión como predio 7422 do Rexistro da Propiedade de Narón. |
16.847,40 |
0,00 |
16.847,40 |
100,00 |
|
2 |
100 % do pleno dominio da parcela cun único inmoble, residencial, sita na estr. Ermida, polígono 98, parcela 887, no lugar de Agra de Arriba, concello de Ponteceso. Ten a superficie construída de 94 m2. Superficie do terreo: 527 m2. Linda ao norte co predio de propietario descoñecido no lugar do Roncudo; ao sur co predio propiedade de Antonio Ramos Mosqueira, ao leste con vía de comunicación e ao oeste co predio propiedade de Carmen Camiño Antelo. Predio catastral nº 15069A098008870000PI, anotado por suspensión como predio 16001 do Rexistro da Propiedade de Carballo. |
18.561,84 |
0,00 |
18.561,84 |
100,00 |
|
3 |
100 % do pleno dominio con carácter privativo por pacto de mellora da vivenda unifamiliar sinalada co número 17 do lugar de Muíño do Vento, e hoxe sinalada co número 33 do lugar de Souto da Igrexa, parroquia de Meirás, concello de Sada. Composta dunha soa planta de 97,60 m2. Ademais conta cun pequeno cenador e piscina situados na parcela de 21 áreas. Predio 25695. Rexistro da Propiedade de Betanzos. |
103.189,50 |
0,00 |
103.189,50 |
200,00 |
|
4 |
100 % do pleno dominio por título de compravenda da vivenda, casa coñecida como De la Tía Carmen, na estrada da Armada, lugar da Armada, parroquia de Maniños, concello de Fene. Con terreo unido a horta, formando todo un conxunto. Superficie: 358 metros cadrados. Predio nº 15620. Rexistro da Propiedade de Pontedeume. |
29.787,59 |
0,00 |
29.787,59 |
100,00 |
|
5 |
100 % do pleno dominio con carácter propio por título de compravenda do terreo situado na parroquia de Sofán, lugar de Evas, concello de Carballo, dedicado a inculto, da extensión superficial aproximada de 1.622 metros cadrados. Predio nº 39713. Rex. da Propiedade de Carballo. |
3.868,16 |
0,00 |
3.868,16 |
100,00 |
|
6 |
100 % do pleno dominio por título de achega social da vivenda sita na rúa San Xosé, s/n, planta 3, porta E, no concello de Ares. Da superficie útil de 33,15 metros cadrados. Predio nº 10827. Rexistro da Propiedade de Pontedeume. |
35.080,46 |
32.800,00 |
2.280,46 |
100,00 |
|
7 |
100 % do pleno dominio por título de achega social da vivenda sita na rúa San Xosé, s/n, planta 3, porta D, no concello de Ares. Da superficie útil de 57 metros cadrados. Predio nº 10826. Rexistro da Propiedade de Pontedeume. |
60.314,73 |
53.800,00 |
6.514,73 |
100,00 |
|
8 |
100 % do pleno dominio por título de achega social da vivenda sita na rúa San Xosé, s/n, andar 2, porta B, no concello de Ares. Da superficie útil de 75,4 metros cadrados. Predio nº 10819. Rexistro da Propiedade de Pontedeume. |
79.782,95 |
70.300,00 |
9.482,95 |
100,00 |
|
9 |
100 % do pleno dominio por título de compra con carácter ganancial do predio nomeado Chousa a monte baixo, sito no lugar dos Agueiros, concello de Melide, de 207 metros cadrados sobre a que se construíu a seguinte obra nova: vivenda unifamiliar composta de andar baixo e alto, que ocupa unha superficie de 90 m2 aproximadamente o andar baixo e 100 m2 no andar alto, co que queda sen edificar unha superficie de 127 m2. Predio nº 15292. Rexistro da Propiedade de Arzúa. |
64.674,1 |
18.925,00 |
45.749,10 |
100,00 |
|
10 |
Opción de compra descrita e regulada na escritura do contrato de arrendamento financeiro sobre bens inmobles e cesión de dereitos de crédito do 22 de xuño de 2005 rexistrada ao número 916 do protocolo do notario de Ribeira, Óscar Manuel López Doval; escritura emendada por outra do 3 de outubro de 2005, rexistrada co número 1550 do protocolo do mesmo notario. Anotación practicada sobre as predios rexistrais 21991, 16296, 20717 e 21498 do Rexistro da Propiedade de Noia. |
200.000,00 |
0,00 |
200.000,00 |
200,00 |
|
11 |
100 % do pleno dominio con carácter propio por título de permuta da praza de garaxe nº 1 da superficie de 10 metros e 50 decímetros cadrados, no andar de soto dun edificio sito na rúa Álvaro Cunqueiro, s/n, no concello de Carballo. Predio 34608/G1. Rexistro da Propiedade de Carballo. |
8.399,41 |
0,00 |
8.399,41 |
100,00 |
|
12 |
Predio rústico, a labradío, no lugar da Tarroeira, parroquia de Paleo, concello de Carral, de cinco mil novecentos noventa e catro metros cadrados. Predio número 4448 do Rexistro da Propiedade número 5 da Coruña. |
133.750,50 |
107.460,00 |
26.290,50 |
200,00 |
|
13 |
100 % do pleno dominio por título de propiedade horizontal da vivenda letra C, sita no primeiro andar do edificio situado na rúa Doutor Batallán esquina a Grixó e rúa de nova apertura de Santa Lucía, parroquia de Saiáns, concello de Moraña, ten o seu acceso polo portal 2. Superficie 86,72 m2. Ten como anexos a praza de garaxe nº 24 sita no soto 2º, de 11,87 m2, e o rocho nº 29 sito no andar de soto 1º, de 5 m2; unha terraza sita polo linde leste de 29,96 m2 e outra terraza sita polo linde sur de 3,82 m2. Predio 9759. Rexistro da Propiedade de Caldas de Reis. |
103.781,00 |
88.066,00 |
15.715,00 |
200,00 |
|
14 |
100 % do pleno dominio por título de propiedade horizontal da praza de garaxe nº 34, sita no andar de soto 1º do edificio situado na rúa Doutor Batallán esquina a Grixó e rúa de nova apertura de Santa Lucía, parroquia de Saiáns, concello de Moraña. Superficie 12,50 metros cadrados. Predio 9793. Rexistro da Propiedade de Caldas de Reis. |
6.000,00 |
4.336,00 |
1.664,00 |
100,00 |
|
15 |
100 % do pleno dominio por título de propiedade horizontal do local comercial sito na rampla de acceso ao andar de sotos dun edificio sito na rúa Rosalía de Castro, s/n, andar baixo, no lugar do Milladoiro, concello de Ames. Da superficie útil de 56 metros cadrados. Predio 34416. Rexistro da Propiedade de Negreira. |
44.725,91 |
992,00 |
43.733,91 |
100,00 |
|
16 |
100 % do pleno dominio por título de propiedade horizontal da vivenda letra A, sita no primeiro andar do edificio situado na rúa Doutor Batallán esquina Grixó e rúa de nova apertura de Santa Lucía, parroquia de Saiáns, concello de Moraña, ten o seu acceso polo portal 2. Superficie 91,07 m2. Ten como anexos a praza de garaxe nº 25 sita no soto 2º, de 11,87 m2, e o rocho nº 28 sito no soto 1º, de 5 m2, e a terraza de 38,48 m2. Predio 9757. Rexistro da Propiedade de Caldas de Reis. |
107.911,20 |
91.071,00 |
16.840,20 |
200,00 |
|
17 |
100 % do pleno dominio por título de propiedade horizontal da vivenda letra B, sita no primeiro andar do edificio situado na rúa Doutor Batallán esquina a Grixó e rúa de nova apertura de Santa Lucía, parroquia de Saiáns, concello de Moraña. Ten o seu acceso polo portal 1. Superficie 40,22 metros cadrados. Ten como anexos a praza de garaxe nº 26 sita no andar de soto 2º, de 11,87 m2 e o rocho nº 25 sito no andar de soto 2º de 3,90 m2. Predio 9750. Rexistro da Propiedade de Caldas de Reis. |
62.652,96 |
41.727,00 |
20.925,96 |
100,00 |
|
18 |
Vivenda na rúa Sebastián Ocampo, nº 50, do edificio nº 3 do grupo de vivendas denominado San Bartolomé no concello de Noia (A Coruña). Superficie de 56.55 m2 dos que 26,55 se dedican a vivenda e o resto, 30 m2, a patio ou curral. Consta dunha vivenda de renda limitada do tipo social unifamiliar de dous andares. Ref. catastral 8679301NH0387N0001MB. Predio 11045 do Rexistro da Propiedade de Noia. |
23.116,86 |
0,00 |
23.116,86 |
100,00 |
|
19 |
100 % do pleno dominio do predio rústico, dedicado a usos agrarios, sito no lugar de Sobreviñas, no concello de Noia. Da superficie de 502 metros cadrados. Ten un almacén da superficie de 44 metros cadrados. Predio catastral nº 002500600NH03F0001SG. Anotado embargo por suspensión no predio 19238 do Rexistro de Noia. |
21.073,46 |
0,00 |
21.073,46 |
100,00 |
|
20 |
Local no andar baixo do portal dous, no edificio sito na rúa de nova apertura, transversal á rúa Conde de Fenosa, no lugar da Revolta, parroquia dos Desamparados, concello de Narón, predio 48468 do Rexistro da Propiedade de Narón. |
181.255,50 |
0,00 |
181.255,50 |
200,00 |
|
21 |
Núa propiedade sobre casa sita no lugar de San Marcos, pista do Castro, número 32, xunto con terreo, no concello de Santiago de Compostela, parcela 102 da zona de concentración parcelaria de Bando, de 19 áreas e 29 centiáreas de extensión superficial, adquirida por testamento aberto outorgado por Antonio Tarrío Martínez o 15 de xullo de 2010 diante do notario Álvaro Moure Goyanes, con número de protocolo 1040, testamento en virtude do que María del Carmen Fernández Díaz é usufrutuaria do referido predio. Predio 37966 do Rexistro da Propiedade nº 1 de Santiago de Compostela, con referencia catastral 000800100NH44G0001RA. |
83.153,17 |
0,00 |
83.153,17 |
100,00 |
|
22 |
1/107 ava parte do local de reunións en semisoto, rocho número 13, baixo cuberta, garaxe e almacén número 26 en andar de semisoto do edificio sito na avda. de Alfonso Molina, nº 10, duplicado 2, andar 13, cunha superficie útil de oitenta e nove metros vinte e tres decímetros cadrados. Predio número 72087 do Rexistro da Propiedade número 1 da Coruña. |
117.941,80 |
107.131,00 |
10.810,80 |
200,00 |
|
23 |
50 % da núa propiedade de vivenda tipo A, no andar baixo dereita do edificio nº 1 da rúa Mozart da cidade da Coruña, cunha superficie útil aproximada de sesenta e catro metros vinte decímetros cadrados; ten como anexo a praza de garaxe sinalada co número 10 no andar de soto, cunha superficie de dez metros quince decímetros cadrados e a metade indivisa do rocho número 4. Referencia catastral 7189924NH4978N0012JR, predio 84777 do Rexistro da Propiedade nº 2 da Coruña. |
41.980,53 |
61.523,00 |
41.509,89 |
100,00 |
|
24 |
100 % do pleno dominio por título de compravenda do local comercial dedicado a garaxe, pertencente ao bloque dous, que ocupa parte do andar baixo, dunha urbanización chamada da ERA, lugar da Tapia, con fronte á rúa Travesía da Igrexa, números 10 e 8 de policía, parroquia do Temple, concello de Cambre. Ten unha superficie construída de 91 metros e 20 decímetros cadrados. Predio nº 28787. Rex. da Prop. da Coruña 5. |
85.027,41 |
66.856,00 |
18.171,41 |
100,00 |
|
25 |
Núa propiedade sobre predio rústico a prado sito no Lugar de Canaval, concello de Oleiros, cunha superficie de mil novecentos corenta e cinco metros cadrados, con referencia catastral 15059A001007370000TL, anotado embargo por suspensión como predio 46471 do Rexistro da Propiedade número 3 da Coruña. |
79.031,54 |
0,00 |
79.031,54 |
100,00 |
De conformidade co disposto no artigo 101 do Real decreto 939/2005, do 29 de xullo, polo que se aproba o Regulamento xeral de recadación, faise constar que:
a) Están ao dispor dos interesados, na Zona de Recadación da Coruña, onde poden ser examinados ata o día anterior ao da poxa, os expedientes de constrinximento en que constan os títulos de propiedade dos bens ou dereitos poxados e o estado das súas cargas e gravames, cos cales se deberá conformar, sen ter dereito a exixir outros.
b) Cando se trate de bens ou dereitos inscritibles nos rexistros públicos, os licitadores non terán dereito a exixir outros títulos de propiedade máis que os achegados no expediente. De non estaren inscritos os bens ou dereitos no rexistro, o documento público de venda é título mediante o cal se pode efectuar a inmatriculación nos termos previstos na lexislación hipotecaria, e, nos demais casos en que sexa preciso, deberán proceder, se lles interesa, como dispón o título VI da Lei hipotecaria, para levar a cabo a concordancia entre o rexistro e a realidade xurídica.
c( As cargas e gravames que subsistisen ao crédito dos executantes continuarán subsistindo, entendéndose que o rematante os acepta e queda subrogado nas súas responsabilidades, sen destinarse á súa extinción o prezo do remate.
d) No tipo da poxa non se inclúen os impostos indirectos que graven a transmisión dos ditos bens ou dereitos.
e) A obriga de constituír ante a mesa de poxa con anterioridade á súa realización un depósito do 20 % do tipo de poxa. De forma motivada poderá reducirse este depósito ata un mínimo do 10 por cento. Se os adxudicatarios non satisfán o prezo do remate, o dito depósito aplicarase á cancelación da débeda, sen prexuízo das responsabilidades en que poidan incorrer polos prexuízos que orixine a falta de pagamento do prezo de remate. O depósito deberase constituír mediante cheque que cumpra os requisitos establecidos no artigo 35.1 do Regulamento xeral de recadación ou por calquera medio que se habilite para o efecto.
f) A poxa suspenderase en calquera momento anterior á adxudicación de bens ou dereitos se se fai o pagamento da contía establecida no artigo 169.1 da Lei 58/2003, do 17 de decembro, xeral tributaria.
g) O adxudicatario entregará no acto da adxudicación ou dentro dos 15 días seguintes a diferenza entre o depósito constituído e o prezo da adxudicación.
h) Admitiranse ofertas en sobre pechado. Nese caso, a mesa de poxa substituirá os licitadores, poxando por eles na forma prevista para o efecto.
i) Despois de ter lugar a primeira licitación, a mesa poderá acordar a celebración dunha segunda licitación, logo da deliberación da súa conveniencia. Neste caso admitiranse poxas que cubran o novo tipo, que será o 75 por cento do tipo de poxa en primeira licitación.
j) De conformidade co disposto no artigo 107 do Regulamento xeral de recadación, se quedasen bens sen adxudicar iniciarase o trámite de adxudicación directa por prazo de seis meses e poderanse presentar ofertas en sobre pechado a partir dese momento á mesa de poxa.
A mesa de poxa abrirá as ofertas presentadas ao remate do prazo do mes seguinte ao do seu inicio, podendo proceder á adxudicación dos bens se algunha delas se considera suficiente nese momento. No caso contrario, anunciarase a extensión dun mes máis para a presentación de novas ofertas ou mellora das existentes, sen prexuízo da validez das ofertas presentadas ata ese momento; e así sucesivamente co límite total de seis meses.
A Coruña, 9 de setembro de 2013
Julián Benavides Delgado
Recadador de zona da Coruña
