Segundo consta no expediente, intentada a práctica da notificación á entidade Manosa, S.A., en relación co expediente sancionador en materia de xogo P-13/12 que se relaciona no anexo que se achega, non foi posible efectuala, polo que a Dirección Xeral de Emerxencias e Interior acorda proceder á notificación da dita resolución por medio da súa publicación no Diario Oficial de Galicia e no taboleiro de edictos do Concello da Coruña, ao abeiro do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 24/2001, do 27 de decembro).

A interesada poderá examinar a citada resolución completa no Servizo de Xogo da Dirección Xeral de Emerxencias e Interior, sito na rúa Roma, 25-27 de Santiago de Compostela, das 9.00 ás 14.00 horas, de luns a venres.

De acordo co disposto nos artigos 114 e 115 da Lei 30/1992, do 26 de novembro, modificados pola Lei 4/1999, do 13 de xaneiro, contra a resolución do expediente indicado, que non esgota a vía administrativa, poderá o/a interesado/a interpor recurso de alzada, ante o vicepresidente e conselleiro de Presidencia, Administracións Públicas e Xustiza, no prazo dun mes contado a partir do día seguinte ao da notificación desta resolución. Poderá interporse o dito recurso ou calquera outro que xulgue pertinente ao seu dereito, ante esta dirección xeral e/ou ante a Vicepresidencia e Consellería de Presidencia, Administracións Públicas e Xustiza.

Santiago de Compostela, 28 de agosto de 2013

Santiago Villanueva Álvarez
Director xeral de Emerxencias e Interior

ANEXO

Expediente: P-13/12.

Interesada: Manosa.

DNI/NIF: A15054216.

Último enderezo coñecido: rúa Enrique Mariñas Romero, 36 pl. 12, A Coruña.

Data da resolución: 24 de xullo de 2013.

Tipificación e precepto infrinxido: caducidade.

Sanción: caducidade.