O artigo 11.1º da Lei 4/2006, do 30 de xuño, de transparencia e boas prácticas na Administración pública galega, imponlle a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único
Darlle publicidade á relación dos convenios subscritos polo Instituto Galego de Seguridade e Saúde Laboral nos meses de maio, xuño, xullo e agosto do ano 2013 e que se incorpora como anexo a esta resolución.
Santiago de Compostela, 4 de setembro de 2013
Adela Quinzá-Torroja García
Directora do Instituto Galego de Seguridade e Saúde Laboral
ANEXO
|
Convenio |
Obxecto |
Importe achegado polo Issga |
Data de sinatura |
|
Acordo marco de colaboración entre o Instituto Galego de Seguridade e Saúde Laboral e a Cooperativa de Armadores de Pesca do Porto de Vigo, Sociedade Cooperativa Galega (Arvi) en materia de prevención de riscos laborais no sector da pesca litoral, de altura e gran altura. |
O establecemento de canles de colaboración para o desenvolvemento de actividades de información e formación en prevención de riscos laborais dirixidas aos traballadores e traballadoras das actividades da pesca litoral, de altura e gran altura, utilizando como principal instrumento o servizo de prevención mancomunado, por ser o órgano de asesoramento na materia que se configura como o instrumento idóneo para a promoción da prevención e que ten como fin a mellora das condicións de vida e traballo das tripulacións e dos outros traballadores que realicen a súa actividade en terra. Farase especial fincapé nas actividades de coordinación de actividades preventivas. |
0 € |
24.7.2013 |
