A Orde do 30 de xullo de 1997, conxunta das consellerías de Agricultura, Gandaría e Montes e de Sanidade e Servizos Sociais, pola que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo comunicaranlles aos organismos responsables na Comunidade Autónoma a homologación dos ditos cursos, e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai realizar.

En consecuencia, anúnciase a realización dun curso de aplicador/manipulador de biocidas, nivel cualificado, homologado polas direccións xerais de Saúde Pública do Ministerio de Sanidade e Política Social e de Agricultura do Ministerio de Medio Ambiente, Rural e Mariño, solicitado pola entidade Estudios Cacumen, de acordo coas seguintes bases:

1. Denominación do curso: Curso para a capacitación de aplicadores/manipuladores de produtos biocidas. Nivel cualificado.

2. Entidade organizadora: Estudios Cacumen (José Ángel Castro Expósito).

3. Datas:

Outubro 2013: 18, 19, 25 e 26.

Novembro 2013: 8, 9, 15, 16, 22 e 23.

4. Lugar de realización: Estudios Cacumen. Rúa Concepción Arenal, 18-1º, 27004 Lugo.

5. Número de prazas: máximo 20 alumnos.

6. Dirixido a: responsables técnicos de empresas de servizos. Control de pragas.

7. Criterios de selección: por rigorosa orde de recepción de inscricións.

8. Presentación de solicitudes: solicitude segundo modelo anexo I.

9. Programa:

Día 18.10.2013
16.00-21.00 h	Introdución. Praguicidas (I).
Día 19.10.2013
10.00-14.00 h	Praguicidas (II).
16.00-20.00 h	Manipulación: formulacións e preparacións.
Día 25.10.2013
16.00-21.00 h	Almacenamento e transporte de biocidas. Equipos de aplicación.
Día 26.10.2013
10.00-14.00 h	Pragas específicas (I).
16.00-20.00 h	Pragas específicas (II).
Día 8.11.2013
16.00-21.00 h	Aplicación de raticidas e ratonicidas. Aplicación de insecticidas e acaricidas. Exercicio práctico.
Día 9.11.2013
10.00-14.00 h	Desinfección. Produtos utilizados. Técnicas de desinfección.
16.00-20.00 h	Aplicación de técnicas de desinfección. Exercicio práctico.
Día 15.11.2013
16.00-19.00 h	Exercicios prácticos.
19.00-21.00 h	Praguicidas e medio natural (I).
Día 16.11.2013
10.00-14.00 h	Praguicidas e medio natural (II).
16.00-20.00 h	Precaucións e normas de seguridade (I).
Día 22.11.2013
16.00-21.00 h	Precaucións e normas de seguridade (II).
Día 23.11.2013
10.00-13.00 h	Exercicios prácticos.
13.00-14.00 h	Proba de avaliación.

10. Certificado de superación do curso: é obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente co que poderá solicitarlle á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel cualificado.

Santiago de Compostela, 13 de agosto de 2013

Sonia Martínez Arca
Directora xeral de Innovación e Xestión da Saúde Pública

ANEXO I
Ficha de solicitude de inscrición

Curso para a capacitación de aplicadores/manipuladores de produtos biocidas. Nivel cualificado

Entidade organizadora: Estudios Cacumen (José Ángel Castro Expósito).

Datas:

Outubro 2013: 18, 19, 25 e 26.

Novembro 2013: 8, 9, 15, 16, 22 e 23.

Lugar de realización do curso: Estudios Cacumen. Rúa Concepción Arenal, 18-1º, 27004 Lugo.

Duración: 60 horas teórico/prácticas e 1 hora de avaliación.

Horario: os días 18, 25 de outubro, 8, 15 e 22 de novembro das 16.00 ás 21.00 horas, o 19, 26 de outubro, 9 e 16 de novembro das 10.00 ás 14.00 e das 16.00-20.00, o 23 de novembro das 10.00 ás 14.00 horas.

Nº de prazas: máximo 20 alumnos.

Presentación de solicitudes: Estudios Cacumen. Rúa Concepción Arenal, 18-1º, 27004 Lugo. Tel.: 982 24 39 44. Fax: 982 28 41 61. Correo electrónico: cacumen@cacumenlugo.com

Data límite de presentación de solicitudes: 15 de outubro de 2013.

Criterio de selección: por rigorosa orde de recepción da solicitude.

APELIDOS .............................................................................................................................................................

NOME ....................................................................................................................................................................

NIF .........................................................................................................................................................................

ENDEREZO ...........................................................................................................................................................

LOCALIDADE ........................................................................................................................................................

TELÉFONO .................................................................... FAX...............................................................................

EMPRESA .............................................................................................................................................................