En cumprimento do establecido no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, faise público que Daniel Filgueira González solicita a legalización dun local destinado a comercio, venda e taller de motocicletas, motoserras e motores fóra borda na r/ María Mariño Carou, nº 14, baixo, e que durante o período de vinte días hábiles, contados a partir do seguinte ao de inserción deste anuncio no Diario Oficial de Galicia, todos os interesados poderán consultar o expediente e formular as reclamacións ou observacións que xulguen oportunas. O expediente poderá consultarse no Negociado de Urbanismo deste concello, de luns a venres das 9.00 ás 14.00 horas.

Noia, 5 de xullo de 2013

Rafael García Guerrero
Alcalde