O tenente de alcalde responsable da Área de Medio Ambiente, Infraestruturas e Territorio, do 5 de xuño de 2013, por delegación do alcalde a través de Decreto do 13 de xuño de 2011, emite decreto en que se aproban os seguintes puntos:
«Decreto.
1. Aprobar inicialmente a expropiación parcial do local comercial situado na rúa Gil Vicente, 13, baixo esquerda, cuxa relación de bens e dereitos afectados é:
Titulares: herdeiros de Enrique Epifanio Azpilcueta Azpilcueta.
Ben: local comercial planta baixa.
Predio rexistral: Rexistro da Propiedade nº 1 da Coruña. Predio 30.187.
Tipo afección: parcial.
Superficie afectada: 2,50 m2.
2. En virtude do establecido no artigo 118.2 da Ordenanza de conservación e rehabilitación de inmobles do Concello da Coruña, o expediente tramitarase polo procedemento de taxación conxunta.
3. O expediente someterase a información pública polo prazo dun mes mediante inserción de anuncio no Diario Oficial de Galicia e nun xornal dos de maior circulación da provincia, e estará exposto na Oficina Municipal de Rehabilitación deste concello. Así mesmo, a taxación notificarase individualmente aos que aparezan como titulares de bens ou dereitos
4. Requirirlle á comunidade de propietarios do edificio situado na rúa Gil Vicente, 13, en calidade de beneficiario do expediente expropiatorio, que con anterioridade á aprobación definitiva do expediente deposite o importe ou aval bancario do 20 % da valoración que se aproba neste expediente, que ascende a 1.257,75 euros».
O que se publica para efectos de inicio do trámite de información pública, de conformidad co artigo143.2 da Lei 9/2002, do 30 de decembro, de ordenación urbanística e protección do medio rural de Galicia, que dispón:
«2. O proxecto de expropiación cos documentos sinalados será exposto ao público polo prazo dun mes, para que aqueles que poidan resultar interesados formulen as observacións e reclamacións que consideren convenientes, en particular no que concerne á titularidade ou valoración dos seus respectivos dereitos».
A Coruña, 12 de xuño de 2013
Martín Fernández Prado
Tenente de alcalde responsable da Área de Medio Ambiente,
Infraestruturas e Territorio