De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), e dado que non foi posible practicar a notificación,

DISPOÑO:

1. Notificar mediante a presente cédula a Vicente García Pérez o Acordo do Xurado de Expropiación de Galicia do 16 de maio de 2013, que fixa o prezo xusto do predio 481 Co sito en Ames, relativo ao proxecto 00410, expediente 2011/002404, cuxos datos se relacionan no anexo.

2. Contra esta resolución, que esgota a vía administrativa, a persoa interesada poderá interpoñer recurso potestativo de reposición ante o mesmo órgano que a ditou, no prazo dun mes contado desde o día seguinte ao da súa notificación ou publicación, de acordo co previsto nos artigos 116 e 117 da LRXPAC. A persoa interesada poderá tamén interpoñer directamente o recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación ou publicación, de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non poderá interpoñerse ata que sexa resolto o recurso de reposición ou se entenda presuntamente desestimado. O texto íntegro do acordo referido na presente cédula está á disposición do interesado nas dependencias do Xurado de Expropiación de Galicia, con domicilio no Edificio Administrativo de San Lázaro, s/n, 15703 Santiago de Compostela.

3. En consecuencia, para que conste e sirva de notificación á persoa expropiada, expido, asino e selo esta cédula.

Santiago de Compostela, 3 de xullo de 2013

Juan Carlos Argüello Fernández
Presidente do Xurado de Expropiación de Galicia

ANEXO

Proxecto para o que se expropia: 00410-autovía AG-56 Santiago de Compostela (N-550 na Rocha) Brión (AC-543) e servizos afectados. Clave: AC/99/042.01.

Nº de expediente: 2011/002404.

Persoa a notificar: Vicente García Pérez.

Expropiante: CPTOPT. Servizo Provincial de Estradas da Coruña.

Expropiado: Vicente García Pérez.

Beneficiaria: Concesionaria Santiago-Brión, S.A.

Predio nº: 481 Co.

Concello: Ames.

Provincia: A Coruña.

Valoración da resolución do Xurado: 1.840,76 €.