De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), modificada pola Lei 4/1999, do 13 de xaneiro (BOE nº 12, do 14 de xaneiro), notifícaselle ao titular que no anexo se menciona a incoación de expediente sancionador en materia de turismo por infracción da Lei 7/2011, do 27 de outubro, do turismo de Galicia, xa que, intentada polos medios habituais, non puido practicarse a notificación.
Neste mesmo acto designouse instrutor do expediente a Félix Collazos López, podendo os interesados promover a súa recusación en calquera momento da tramitación do procedemento, de conformidade co disposto no artigo 29 da Lei 30/1992, do 26 de novembro, modificada pola Lei 4/1999, do 13 de xaneiro.
A resolución deste procedemento por infracción grave correspóndelle á directora da Axencia Turismo de Galicia, de acordo co establecido no artigo 19.4.g) dos estatutos da devandita axencia, aprobados polo Decreto 196/2012, do 27 de setembro, en relación co artigo 119.1.b) da Lei 7/2011, do 27 de outubro, do turismo de Galicia.
De conformidade co disposto no artigo 124.1 da Lei 7/2011, a resolución deste procedemento sancionador notificarase no prazo dun ano desde a data deste acordo.
Os interesados dispoñerán dun prazo de quince días, conforme co establecido no artigo 16.1 do Real decreto 1398/1993, para achegar ante o instrutor do expediente, para a súa incorporación a este, cantas alegacións, documentos ou informacións estimen convenientes e, se é o caso, propoñer proba pola que se concretan os medios dos que pretenda valerse, coa advertencia de que, de non formular alegacións no prazo sinalado, este acordo se considerará como proposta de resolución, de conformidade co previsto no artigo 13.2 do citado decreto.
A Coruña, 1 de xullo de 2013
Mª Carmen Ramallal Molina
Xefa da Área Provincial da Coruña
ANEXO
Expediente: AC-78/13.
Denunciada: Carpe Diem & Caserío, S.C.
CIF: J70087903.
Establecemento: restaurante Carpe Diem & Caserío.
Enderezo: rúa Bautizados, 13.
Localidade: Santiago de Compostela.
Precepto infrinxido: artigo 110.15 da Lei 7/2011.
Incoación: 12 de xuño de 2013.
Sanción: multa de novecentos un euros (901 €).
