Juan Alberto del Río Vázquez, promotor que figura na concesión administrativa de Portos de Galicia, solicitou a licenza de instalación de estación de servizo para instalar no peirao comercial desta vila, sometida ao Decreto 133/2008, do 12 de xuño, polo que se regula a avaliación de incidencia ambiental, polo que neste concello se tramita o oportuno expediente.
En cumprimento da lexislación vixente, procédese a abrir período de información pública por termo de vinte días mediante anuncio no DOG e no BOP para que os que se vexan afectados pola dita actividade presenten as observacións que consideren pertinentes.
O expediente pódese consultar nas oficinas municipais en horario de oficina.
A Pobra do Caramiñal, 16 de maio de 2013
Isaac V. Maceiras Rivas
Alcalde