Visto o artigo 3 do Real decreto 1798/2010, do 30 de decembro, polo que se regula a explotación e comercialización de augas minerais naturais e augas de manancial envasadas para o consumo humano, o xefe territorial da Consellería de Economía e Industria en Lugo

RESOLVE:

Dar publicidade da Resolución do 25 de abril de 2013, do secretario xeral técnico da Consellería de Economía e Industria, na que se formula a declaración da condición de mineral natural das augas procedentes da captación Abelleira, cunha designación en coordenadas UTM x=616.030 e y=4.787.794, sita na parroquia de Vilapene, no termo municipal de Cospeito (Lugo), promovido pola entidade Augas de Cospeito, S.L.U.

A dita resolución incorpórase ao expediente e encóntrase á disposición de calquera interesado nesta xefatura territorial (rolda da Muralla, 70, 27071 Lugo).

Lugo, 28 de maio de 2013

José Manuel Vázquez Leirado
Xefe territorial de Lugo