No Xulgado do Contencioso-Administrativo número 1 de Vigo tramítase o recurso 120/2013 (procedemento abreviado), interposto por Eduardo Alonso Álvarez contra a Resolución do 6 de febreiro de 2013, da directora de Recursos Humanos do Servizo Galego de Saúde, pola que se acorda a exclusión definitiva do recorrente das listaxes de aspirantes a vinculacións temporais na categoría de médico de familia de Atención Primaria.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 6 de xuño de 2013

Margarita Prado Vaamonde
Directora de Recursos Humanos