En cumprimento do disposto no artigo 28 do Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, esta dirección dispón que se publique no Diario Oficial de Galicia o acordo adoptado polo Consello da Xunta na súa reunión do 13 de xuño de 2013 que a seguir se transcribe:
Declarar festas de Galicia de interese turístico, de conformidade co establecido no Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, as seguintes:
– Feira Franca, que se celebra a primeira fin de semana de setembro no concello de Pontevedra.
– Romaría da Tortilla de Laro, que se celebra o primeiro venres do mes de agosto no concello de Silleda (Pontevedra).
– Festa da Pescada do Pincho de Celeiro, que se celebra a fin de semana anterior ás celebracións do 25 de xullo no concello de Viveiro (Lugo).
Santiago de Compostela, 17 de xuño de 2013
Mª Nava Castro Domínguez
Directora da Axencia Turismo de Galicia