Mediante a Orde do 11 de abril de 2013, publicada no Diario Oficial de Galicia nº 88, do 8 de maio, convocouse a provisión, polo sistema de libre designación, de varios postos de traballo vacantes na Vicepresidencia e Consellería de Presidencia, Administracións Públicas e Xustiza.
De conformidade co establecido nos artigos 17.4 e 29.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e no Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e demais normativa vixente,
DISPOÑO:
Primeiro. Resolver a convocatoria pública efectuada pola Orde do 11 de abril de 2013 e designar os/as funcionarios/as cuxos datos se sinalan no anexo desta orde para ocupar os postos que tamén se especifican.
Segundo. O cesamento no actual destino efectuarase, segundo o previsto no artigo 14 do Decreto 93/1991, do 20 de marzo, no prazo de tres días contados a partir do seguinte ao da publicación no Diario Oficial de Galicia.
O prazo para a toma de posesión do novo destino será de tres días a partir do seguinte ao do cesamento, de tratarse da mesma localidade onde actualmente o/a funcionario/a presta servizos, ou dun mes se radica en distinta localidade ou comporta o reingreso ao servizo activo, de conformidade co disposto no referido precepto e na base sétima da convocatoria.
Terceiro. A xefatura do centro en que cause baixa o/a funcionario/a, así como a daquel en que obteña praza, consignará no título administrativo, dentro do prazo sinalado no punto anterior, as correspondentes dilixencias de cesamento e toma de posesión, que serán trasladadas mediante copia á Dirección Xeral da Función Pública.
Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición perante este mesmo órgano, no prazo dun mes contado desde o día seguinte ao da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou poderán impugnala directamente ante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 3 de xuño de 2013
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza
ANEXO
Apelidos e nome: González Serrano, Santiago.
NRP: 3265014535 A2060.
Subgrupo: A1.
Posto de traballo: vicesecretario/a xeral.
Código do posto: PR.C02.00.002.15770.001.
Nivel: 30.
Centro directivo: Secretaría Xeral Técnica.
Localidade: Santiago de Compostela.
Apelidos e nome: González López, Manuel.
NRP: 7680990802 A2051.
Subgrupo: A2.
Posto de traballo: Xefatura do Servizo de Recursos Humanos e Réxime Interior.
Código do posto: PR.C02.00.003.15770.050.
Nivel: 28.
Centro directivo: Secretaría Xeral Técnica.
Localidade: Santiago de Compostela.
Apelidos e nome: Fernández Nieto, Pilar.
NRP: 3498591013 A2051.
Subgrupo: A2.
Posto de traballo: Xefatura do Servizo de Xestión Económica.
Código do posto: PR.C02.00.004.15770.010.
Nivel: 28.
Centro directivo: Secretaría Xeral Técnica.
Localidade: Santiago de Compostela.
Apelidos e nome: De la Iglesia Lema, Emilio José.
NRP: 4482179435 A2060.
Subgrupo: A1.
Posto de traballo: subdirector/a xeral de Coordinación de Servizos Transversais.
Código do posto: PR.C02.00.005.15770.001.
Nivel: 30.
Centro directivo: Secretaría Xeral Técnica.
Localidade: Santiago de Compostela.
